ທ່ານປະທານສະມາຄົມທຸລະກິດຫວຽດນາມປະຈຳລາວກ່າວຕໍ່ກອງປະຊຸມເວທີສົ່ງເສີມການລົງທຶນຂອງຫວຽດນາມເຂົ້າສູ່ບັນດາແຂວງພາກກາງ-ພາກໃຕ້ຂອງລາວທີ່ຈັດຂຶ້ນ ຫວ່າງບໍ່ດົນນີ້ທີ່ໂຮງແຮມຈຳປາສັກແກຣນແຂວງຈຳປາສັກວ່າ: ການລົງທຶນຂອງສສຫວຽດນາມຢູ່ລາວເຫັນວ່າຍັງແຈກຢາຍບໍ່ສະຫມ່ຳສະເຫມີຕົ້ນຕໍແມ່ນເຕົ້າໂຮມຢູ່ 8 ແຂວງພາກ ກາງ-ພາກໃຕ້ຂອງລາວ,ປະຈຸບັນລັດຖະບານອະນຸມັດແລ້ວ 163 ໂຄງການກວມ 78% ຂອງໂຄງການລົງທຶນມີມູນຄ່າ 3,17 ຕື້ໂດລາສະຫະລັດກວມ 93,2% ຂອງຍອດການບົງ ທຶນຂອງ ສສ ຫວຽດນາມຢູ່ລາວ.  ການລົງທຶນຂອງສສຫວຽດນາມຢູ່ພາກກາງ-ພາກໃຕ້ຂອງລາວຕົ້ນຕໍແມ່ນເນັ້ນໃສ່ຂົງເຂດທີ່ມີທ່າແຮງບົ່ມຊ້ອນເປັນຕົ້ນອະສັງຫາລິມະຊັບ, ການບໍລິການສວນສະຫນຸກມີ 8 ໂຄງ ການລວມຍອດມູນຄ່າການລົງທຶນ 1,04 ຕື້ໂດລາສະຫະ ລັດກວມ 30,5%, ພະລັງງານໄຟຟ້າມີ 4 ໂຄງການມູນຄ່າ 921 ລ້ານໂດລາສະຫະລັດກວມ 27%, ກະສິກຳ-ປ່າໄມ້ມີ 33 ໂຄງການມູນຄ່າ 521 ລ້ານໂດລາກວມ 15,3%, ຂຸດຄົ້ນບໍ່ແຮ່ມີ 35 ໂຄງການຍອດມູນຄ່າການລົງທຶນ 340 ລ້ານໂດລາກວມ 10% ທີ່ແຈກຢາຍຕາມເຂດຕ່າງໆຄື: ນະຄອນຫລວງ ວຽງຈັນ, ສະຫວັນນະເຂດ, ອັດຕະປື ແລະ ແຂວງຈຳປາສັກ.

ທ່ານປະທານສະມາຄົມທຸລະກິດຫວຽດນາມກ່າວຕື່ມອີກວ່າ: ຖ້າແຍກຕາມພາກການລົງທຶນ ຂອງຫວຽດນາມພາກກາງມີສູງເຖິງ 113 ໂຄງການມີມູນຄ່າການລົງທຶນ 1,55 ຕື້ ໂດລາສະຫະ ລັດກວມ 54% ຂອງໂຄງການ ແລະ 45,5% ລວມຍອດມູນຄ່າການລົງທຶນຂອງສສຫວຽດນາມ ຢູ່ລາວຂົງເຂດທີ່ມີການລົງທຶນຫລາຍກວ່າຫມູ່ແມ່ນ: ອະສັງຫາລິມະ ຊັບ, ການບໍລິການ, ສວນສະຫນຸກມີຍອດມູນຄ່າການລົງທຶນ 1,04 ຕື້ໂດລາຮອງລົງມາແມ່ນກະສິກຳ-ປ່າໄມ້, ຂຸດຄົ້ນບໍ່ແຮ່.

ສ່ວນພາກໃຕ້ມີ 50 ໂຄງການມູນຄ່າການລົງທຶນ 1,62 ຕື້ໂດລາສະຫະລັດກວມ 24% ຂອງໂຄງການ ແລະ 47,6% ລວມຍອດມູນຄ່າການລົງທຶນຂອງ ສສ ຫວຽດນາມຢູ່ລາວ ຕົ້ນຕໍແມ່ນກະສິກຳ-ປ່າໄມ້, ຂຸດຄົ້ນ ແລະ ອຸດສາຫະກຳ.

ດ້ານລັດຖະບານ ສສ ຫວຽດນາມ ເປີດເຜີຍວ່າ: ລາວແມ່ນປະເທດຫນຶ່ງທີ່ນຳຫນ້າໃນບັນດາ 55 ປະເທດທີ່ມີການເຄື່ອນໄຫວລົງທຶນຂອງບັນດາວິສາຫະກິດຫວຽດນາມມາ ຮອດປະຈຸບັນມີ 207 ໂຄງການລົງທຶນຢູູ່ລາວມີທຶນຈົດທະບຽນ 3,4 ຕື້ໂດລາສະຫະລັດ, ທຶນສະເລ່ຍ 16,5 ຕື້ໂດລາສະຫະລັດຕໍ່ 1 ໂຄງການ, ຈັດຢູ່ອັນດັບສອງໃນວິສາຫະກິດ ຕ່າງປະເທດລົງທຶນຢູ່ລາວ.

ສຳລັບຂົງເຂດການເງິນທະນາຄານປະກັນໄພເຫັນວ່າມີຄວາມສຳຄັນສູງຕໍ່ສະພາບເສດຖະກິດຂອງລາວແລະເປັນການກະຕຸກຊຸກຍູ້ແກ່ການເຄື່ອນໄຫວລົງທຶນຢູ່ລາວຂອງ ຫວຽດນາມ, ບັນດາສະຖາບັນການເງິນທີ່ນຳຫນ້າຂອງຫວຽດນາມຢູ່ລາວມີຄວາມສົນໃຈ ແລະ ໄດ້ລົງທຶນໃສ່ຂົງເຂດນີ້9 ໂຄງການມູນຄ່າ 74 ລ້ານໂດລາສະຫະລັດ.

ການລິເລີ່ມເບື້ອງຕົ້ນລົງທຶນໃນຂົງເຂດນີ້ແມ່ນທະນາຄານແລະພັດທະນາຫວຽດນາມ ຫລື BID ໄດ້ສ້າງຕັ້ງທະນາຄານຮ່ວມພັດທະນາທຸລະກິດລາວ- ຫວຽດຂຶ້ນໃນປີ 1999 ມາຮອດປະຈຸບັນຜ່ານການເຄື່ອນໄຫວເປັນເວລາ 12 ປີເຫັນວ່າມູນຄ່າຍອດຊັບສິນເພີ່ມຂຶ້ນສູງກວ່າ 420 ລ້ານໂດລາສະຫະລັດ, ອັດຕາກຳໄລປະມານ 15% ແລະ ຍັງສືບຕໍ່ເພີ່ມ ຂຶ້ນໃນແຕ່ລະປີ.

ຂ່າວຈາກ ໜັງສືພິມເສດຖະກິດ-ສັງຄົມ

-    ຄວາມຮັກກໍປຽບເຫມືອນແສງສະຫວ່າງ ສຳຜັດໄດ້ດ້ວຍຄວາມຮູ້ສຶກ ແຕ່ບໍ່ສາມາດຈັບບາຍໄດ້

-    ຄວາມຮັກກໍເຫມືອນຍຸງລາຍ ເມື່ອດູດເລືອດອີ່ມແລ້ວ ກໍບິນຈາກໄປ

-    ຄວາມຮັກ ເຫມືອນດັ່ງດອກໄມ້ ທີ່ຕ້ອງການຄວາມເອົາໃຈໃສ່ເບິ່ງແຍງ

-    ຄວາມຮັກ ເຫມືອນແສງຂອງຮຸງ ທີ່ມີຫລາຍສີ ຫລາຍອາລົມ

-    ຄວາມຮັກ ປຽບດັ່ງລົມ ສາມາດເຮັດໃຫ້ເຮົາຫນາວໄດ້ທັງກາຍ ແລະ ຫົວໃຈ

-    ຄວາມຮັກ ເຫມືອນກັບໄຟ ໃຫ້ຄວາມອົບອຸ່ນໄດ້ ແຕ່ກໍມີມື້ທີ່ຈະທຳລາຍ

-    ຄວາມຮັກ ກໍເຫມືອນສາຍຝົນ ທີ່ສາມາດໃຫ້ຄວາມຊຸ່ມຊື່ນ ແຕ່ດົນໄປ ກໍມອບແຕ່ຄວາມຫນາວເຢັນ

-    ຄວາມຮັກເຫມືອນແສງຕາເວັນ ທີ່ໃຫ້ຄວາມສະຫວ່າງແຈ່ມແຈ້ງຢູ່ທຸກເວລາ

-    ຄວາມຮັກເຫມືອນກັບຫນ້າເຈ້ຍ ເລີ່ມຈາກຄວາມຫວ່າງເປົ່າ ກ້າວສູ່ການມີເນື້ອຫາສາລະທີ່ດີ

-    ຄວາມຮັກເຫມືອນດັ່ງຖ້ຳ ເຊິ່ງເບື້ອງຕົ້ນກໍເປັນຫນ້າຢ້ານກົວ ເພາະຄວາມມືດ ແຕ່ລອງຍ່າງຜ່ານໄປແລ້ວ ຈິ່ງສຳຜັດໄດ້ເຖິງຄວາມງົດງາມ

-    ຄວາມຮັກເຫມືອນໂທລະສັບມືຖື ເມື່ອເບື່ອຮຸ່ນນີ້ ກໍປ່ຽນໄປຮຸ່ນໃຫມ່

-    ຄວາມຮັກ ເຫມືອນກັບນ້ຳ ແລະ ອາຫານ ເຊິ່ງຄົນຕ້ອງການພຽງເພື່ອຄວາມຢູ່ລອດຂອງຊີວິດ

-    ຄວາມຮັກ…?   ( ທ່ານວ່າແນວໃດຕື່ມໄດ້ເດີ )

ທ່ານ ດຣ. ນາມ ວິຍະເກດ ລັດຖະມົນຕີວ່າການກະຊວງອຸດສາຫະກໍາ ແລະ ການຄ້າທັງເປັນລັດຖະ ມົນຕີເສດຖະກິດອາຊຽນຂອງ ສປປ ລາວ ໃຫ້ສຳພາດວ່າ: ໃນຂອບການ ເຊື່ອມໂຍງເສດຖະກິດອາ ຊຽນ, ໂດຍການປະຕິບັດເຂດການຄ້າເສລີເປີດໃຫ້ມີການຫມູນວຽນສິນຄ້າໃນອາຊຽນຫລາຍຂຶ້ນທັງ ສະຫນັບສະຫນູນໃຫ້ເສດຖະກິດອາຊຽນເຕີບໂຕ ຢ່າງແຂງແຮງ, ບັນດາປະເທດສະມາຊິກອາຊຽນ ຕ້ອງຕັດຮອນກຳແພງກີດກັ້ນການຄ້າລົງໂດຍສະເພາະອັດຕາພາສີເປັນຕົ້ນສີ່ປະເທດສະມາຊິກອາຊຽນໃຫມ່ຄື: ລາວ, ຫວຽດ ນາມ, ກຳປູເຈຍແລະມຽນມາ  ແມ່ນຈະໄດ້ຈັດຕັ້ງປະຕິບັດເຂດການຄ້າເສລີໃນອັດຕາ ພາສີ 0% ໃນປີ 2015, ເຊິ່ງອັດຕາດັ່ງກ່າວ  6 ປະເທດສະມາຊິກອາຊຽນເກົ່າຄື: ໄທ, ຟີລິບ ປິນ, ສິງກະໂປ0% ແມ່ນໄດ້ມີການຈັດຕັ້ງປະຕິບັດມາກ່ອນຫນ້ານີ້ແລ້ວຕໍ່ສີ່ປະເທດ ສະມາຊິກອາຊຽນ ໃຫມ່, ເພື່ອຮັບປະກັນບໍ່ໃຫ້ເສຍຜົນປະໂຫຍດໃນເວລາຫລຸດຜ່ອນອັດຕາດັ່ງ ກ່າວ, 4 ປະເທດອາ ຊຽນໃຫມ່ຕ້ອງຊ່ວຍກັນເຄື່ອນໄຫວສົ່ງເສີມພາກທຸລະກິດຂອງກັນ ແລະ ກັນໃຫ້ມີປະສິດທິຜົນ ແລະ ຄວາມຢູ່ລອດ ໂດຍສະເພາະແມ່ນທຸລະກິດຂະຫນາດ ນ້ອຍ-ກາງ.

ທ່ານຍອມຮັບວ່າ: ກ່ຽວກັບການຈັດຕັ້ງປະຕິບັດເຂດການຄ້າເສລີແຕ່ລະປະ ເທດແມ່ນມີກົນໄກ ການສົ່ງເສີມຂອງໃຜມັນ, ນະໂຍບາຍແລະເງື່ອນໄຂທີ່ແຕກຕ່າງກັນເຊັ່ນ: ບາງປະ ເທດມີຄ່າແຮງງານຕ່ຳ, ບາງປະເທດມີແຮງງານພຽງພໍແລະບາງປະເທດວັດຖຸດິບທຳມະຊາດ ທີ່ຫລາກຫລາຍແລະມີສະຖານທີ່ຕັ້ງທີ່ສະດວກສະນັ້ນຕ້ອງມີການແລກປ່ຽນກັນ ເພື່ອດຶງກັນ ໃຫ້ຢູ່ໃນລະດັບດຽວກັນ.

ເພື່ອເປັນການປັບປຸງໂຕເອງ 4 ປະເທດກໍ່ໄດ້ປຶກສາຫາລືສ້າງໂຄງການຈັດຕັ້ງປະຕິບັດຮ່ວມກັນ ເຊິ່ງໂຄງການຕ່າງໆແມ່ນມີການພົວພັນເຖິງການສ້າງແຜນການຮ່ວມມື, ຍົກລະ ດັບວຽກງານ ທີ່ຈະແລກປ່ຽນກັນເປັນຕົ້ນການສ້າງຕະຫລາດການຄ້າເສລີຢູ່ຊາຍແດນລະຫວ່າງປະເທດໃກ້ຄຽງຄື: ຫວຽດນາມ-ກຳປູເຈຍ, ຫວຽດນາມ-ລາວ, ການສົ່ງເສີມການ ຄ້າສອງຝ່າຍ, ເປີດຕະຫລາດນັດຢູ່ ແຕ່ລະປະເທດ, ການສົ່ງເສີມການລົງທຶນພາຍໃນ ແລະ ການສ້າງບຸກຄະລາກອນຕິດພັນກັບບັນດາ ວຽກງານພາຍໃນຂອງ 4 ປະເທດ, ທີ່ສຳຄັນ ຕ້ອງສ້າງຈຸດປະສານງານກັນໃນແຕ່ລະປະເທດ.

ທັງຫມົດນັ້ນແມ່ນການກະກຽມ ເພື່ອປະຕິບັດອັດຕາພາສີໃນລະດັບ 0% ຄືກັນກັບປະເທດສະ ມາຊິກອາຊຽນເກົ່າເມື່ອຮອດປີ 2015.

ແຫຼ່ງຂ່າວ: ໜັງສືພິມເສດຖະກິດ-ສັງຄົມ

ນັບຖອຍ­ຫລັງພຽງ 9 ເດືອນກວ່າກອງປະ­ຊຸມອາເຊັມຄັ້ງທີ 9 ທີ່ ສປປ ລາວໄດ້ຮັບກຽດເປັນເຈົ້າ­ພາບຈະໄຂຂຶ້ນ ຢ່າງເປັນທາງການບັນ­ດາໂຄງການຮອງຮັບອາເຊັມລວມທັງພື້ນ­ຖານໂຄງລ່າງ ຕ່າງໆຂອງລາວມີຄວາມກຽມ­ພ້ອມສູງ ຂະນະທີ່ຄວາມປອດໄພຮັບ­ປະ­ກັນເກີນຮ້ອຍ.

ທ່ານ ບຸນເກີດ ສັງສົມສັກ ລັດ­ຖະ­ມົນ­ຕີຊ່ວຍວ່າ­ການກະຊວງການຕ່າງ­ປະ­ເທດຖະແຫລງຂ່າວຕໍ່ ສື່ວານນີ້ ທີ່ນະ­ຄອນຫລວງວຽງຈັນວ່າ: ກອງປະ­ຊຸມສຸດຍອດອາ­ຊີ-ເອີຣົບຄັ້ງທີ 9 (ອາເຊັມ 9) ທີ່ ສປປ ລາວຮັບກຽດເປັນເຈົ້າ­ພາບຈະໄດ້ໄຂຂຶ້ນ ຢ່າງເປັນທາງການໃນວັນທີ 5-6 ພະ­ຈິກ 2012 ທີ່ນະ­ຄອນຫລວງວຽງຈັນການຫ້າງຫາກະກຽມຄວາມພ້ອມຂອງແຕ່ລະຫນ່ວຍງານ ນັ້ນໄດ້ດຳ­ເນີນໄປຢ່າງຄຶກ­ຄື້ນ ໂດຍສະ­ເພາະບັນດາຄຳຂວັນກອງປະ­ຊຸມ, ເນື້ອໃນເອ­ກະ­ສານມີເຖິງ 7 ສະ­ບັບທີ່ ຈະຮັບ­ຮອງເອົາໃນກອງປະ­ຊຸມ, ສຳ­ລັບເວ­ລາ ແລະ ພິ­ທີເປີດ ກອງປະ­ຊຸມຈະໄດ້ຮັບກຽດຈາກທ່ານປະ­ທານປະ­ເທດແຫ່ງ ສປປ ລາວ ໄດ້ມີຄວາມກຽມ­ພ້ອມສູງທີ່ຈະເປັນເຈົ້າ­ພາບຮອງຮັບຈັດກອງປະ­ຊຸມ.

ທ່ານລັດ­ຖະ­ມົນ­ຕີຊ່ວຍວ່າການກະ­ຊວງການຕ່າງ­ປະ­ເທດ ກ່າວຕື່ມວ່າ: ບັນ­ດາໂຄງ­ການຕ່າງໆທີ່ຮອງຮັບກອງປະ­ຊຸມອາເຊັມມີຄວາມຄືບຫນ້າ ຢ່າງເພິ່ງພໍ່ໃຈ ແລະ ເປັນໄປຕາມແຜນ ໂດຍສະ­ເພາະໂຄງ­ການກໍ່ ສ້າງຫໍປະ­ຊຸມ (ICC) ຢູ່ບ້ານສີວິ­ໄລ ເມືອງໄຊທາ­ນີນັ້ນປະ­ກອບມີ 2 ໄລ­ຍະຄື: ໄລ­ຍະທີ 1 ແມ່ນຈະມີການກໍ່­ສ້າງຫໍປະ­ຊຸມປະກອບມີຫ້ອງໂຖງ, ຫ້ອງປະ­ຊຸມ ລະ­ດັບປະ­ມຸກລັດ 500 ບ່ອນນັ່ງ  ພ້ອມຫ້ອງປະ­ຊຸມອະ­ເນກປະ­ສົງ, ຫ້ອງປະ­ຊຸມລັດ­ຖະ­ມົນ­ຕີ, ຫ້ອງພົບປະສອງຝ່າຍ (ວີໄອພີ), ຫ້ອງຖະ­ແຫລງຂ່າວ, ຫ້ອງກອງເລ­ຂາ ແລະ ອຳ­ນວຍຄວາມສະດວກຕ່າງໆ ເຊິ່ງຈະດຳ­ເນີນການກໍ່­ສ້າງໃຫ້ສຳ­ເລັດພາຍໃນເດືອນຕຸ­ລາ 2012 ຮອດປະ­ຈຸບັນນີ້ວຽກຖົມດິນ ແລະ  ຝັງເສົາເຂັມ ສຳ­ເລັດແລ້ວກ້າວເຂົ້າສູ່ວຽກກໍ່­ສ້າງຕົວຈິງພ້ອມມີການຕົກແຕ່ງ ດ້ານຕ່າງໆສ່ວນໄລ­ຍະທີ 2 ແມ່ນການກໍ່­ສ້າງຫ້ອງປະ­ຊຸມມີ 1.500 ບ່ອນນັ່ງຈະສຳ­ເລັດ ພາຍໃນເດືອນຕຸ­ລາ 2013 ລວມມູນຄ່າກໍ່­ສ້າງເບື້ອງຕົ້ນ 450 ລ້ານຢວນ ຫລື 80 ລ້ານໂດລາສະ­ຫະ­ລັດ ໃນເນື້ອ­ທີ່ທັງຫມົດ 24.899 ຕາ­ຕະ­ລາງແມັດ, ໂຄງ­ການກໍ່­ສ້າງຂະ­ຫຍາຍສະຫນາມບິນວັດໄຕຮອງຮັບເຄື່ອງບິນ ພິ­ເສດຈຳ­ນວນ  30 ລຳແລະ ຫ້ອງກຽດ­ຕິ­ຍົດຕ້ອນ­ຮັບແຂກຜູ້­ນຳຈາກປະ­ເທດຕ່າງໆກໍ່ມີຄວາມຄືບ ຫນ້າ­ທີ່ສຳ­ຄັນໂຄງ­ການກໍ່ສ້າງເຮືອນຮັບ­ແຂກຂອງຄະ­ນະຜູ້ແທນອາເຊັມ ມີ 52 ຫລັງ ຕັ້ງຢູ່ເຂດໃຕ້ຫາດດອນຈັນມາຮອດປະ­ຈຸບັນນີ້ ມີຄວາມຄືບໜ້າ 50% ແລະ ຈະກໍ່­ສ້າງໃຫ້ສຳ­ເລັດພາຍ ໃນເດືອນສິງ­ຫາ 2012 ແລະ ໂຄງ­ການກໍ່­ສ້າງເຮືອນພັກຄະ­ນະຜູ້ແທນກອງປະ­ຊຸມອາເຊັມ ຈຳນວນ 50 ຫລັງ ຢູບ້ານພະຂາວ ເມືອງໄຊທາ­ນີ ມາຮອດປະ­ຈຸບັນ ວຽກຖົມດິນ ແລະ ຝັງເສົາເຂັມ ສຳ­ເລັດແລ້ວລວມທັງການລົງ ມືປະ­ຕິ­ບັດຕົວຈິງໃນການກໍ່­ສ້າງສຳ­ເລັດແລ້ວ 30 ກວ່າເປີ­ເຊັນ.

ຢ່າງໃດກກໍ່ຕາມ ມາຮອດປະຈຸບັນນີ້ຄວາມກຽມ­ພ້ອມຂອງລາວທີ່ຈະເປັນເຈົ້າ­ພາບຈັດ ກອງປະ­ຊຸມອາເຊັມຄັ້ງທີ 9 ຖືວ່າສູງພໍສົມ­ຄວນດ້ານຄວາມປອດໄພຮັບ­ປະ­ກັນເກີນຮ້ອຍ ຫລັງ ສປປ ລາວ ໄດ້ຮັບກຽດເປັນເຈົ້າ­ພາບງານໃຫຍ່ລະ­ດັບຊາດມາແລ້ວຫລາຍຄັ້ງເຊິ່ງ ນັບແຕ່ປີ 2004 ເປັນ­ຕົ້ນມາ ໂດຍສະ­ເພາະກອງປະ­ຊຸມສຸດຍອດອາຊຽນ, ກອງປະ­ຊຸມລະ­ເບີດລູກວ່ານ ແລະ ງານມະ­ຫະກຳກີ­ລາຊີ­ເກມຄັ້ງທີ 25 ທີ່ ສປປ ລາວໄດ້ຮັບກຽດເປັນເຈົ້າພາບໃນປີ 2009 ກໍ່ປະ­ສົບຜົນສຳ­ເລັດຢ່າງຈົບ­ງາມໄດ້.

ຂ່າວຈາກ: ໜັງສືພິມເສດຖະກິດ-ສັງຄົມ

ຢູ່ ສປປ ລາວຂະແຫນງການແຈກຢາຍສິນຄ້າແມ່ນຍັງຢູ່ໃນສະພາບທີ່ມີການພັດທະນາຫລ້າຊ້າ, ການຄ້າຍ່ອຍມີບົດບາດຫລາຍທີ່ສຸດກວມເອົາ 98% ຂອງຈຳນວນທຸລະກິດການ ຄ້າຍົກ ແລະ ຍ່ອຍທົ່ວປະເທດ, ທີ່ໄດ້ປະກອບສ່ວນເຂົ້າໃນ  ລວມຍອດຜະລິດຕະພັນພາຍໃນກວມ15%.

ກົມນະໂຍບາຍການຄ້າຕ່າງປະເທດລາຍງານວ່າ: ຂະແຫນງຈໍລະຈອນແຈກຢາຍສິນຄ້າ ແມ່ນມີຄວາມສຳຄັນຍິ່ງຕໍ່ທຸລະກິດການຄ້າ, ການເຈລະຈາ ເພື່ອເປີດຂະແຫນງການຈໍລະ ຈອນແຈກຢາຍສິນຄ້ານີ້ ສປປ ລາວແມ່ນຖືກຮຽກຮ້ອງໃຫ້ເຮັດສັນຍາເປີດເສລີຕໍ່ກັບຂະແຫນງ ການຍ່ອຍ ຫລື ຕໍ່ກັບສິນຄ້າທີ່ນອນໃນຂະແຫນງຈໍລະຈອນແຈກຢາຍສິນຄ້າ.

ຈຸດປະສົງກໍ່ເພື່ອອຳນວຍຄວາມສະດວກໃຫ້ແກ່ບັນດາຫົວຫນ່ວຍທຸລະກິດຕ່າງຊາດເຂົ້າມາດຳເນີນທຸລະກິດໃນປະເທດ, ລະບຽບການກໍ່ຕ້ອງໄດ້ຮັບການປັບປຸງ ແລະ ໄລຍະຜ່ານ ມາເພື່ອສ້າງສິ່ງທີ່ເອື້ອອຳນວຍແກ່ຂະ ແຫນງການຈໍລະຈອນແຈກຢາຍລາວກໍ່ໄດ້ປັບປຸງລະບອບລະບຽບດີຂຶ້ນເລື້ອຍໆໂດຍສະເພາະກົດຫມາຍທີ່ຮັບຮອງເອົາແລ້ວມີເນື້ອໃນກວມເອົາ ບັນຫາລວມຕ່າງໆທີ່ພົວພັນທັງຫມົດກັບຂະແຫນງການຈໍລະຈອນແຈກຢາຍສິນຄ້າ ແລະ ມີສິດຄວບຄຸມຄື: ການບໍລິການທຸລະກິດນາຍຫນ້າ, ທຸລະກິດແຟຣນຊາຍ, ກິດຈະການ ສົ່ງເສີມການຂາຍຕ່າງໆການໂຄສະນາທາງການຄ້າ, ຕະຫລາດນັດແລະງານວາງສະແດງສິນຄ້າ, ການບໍລິການຂອງຜູ້ຕາງຫນ້າການຄ້າ, ການເຂົ້າໄປປະມູນສິນຄ້າ, ການບໍລິການ ສິນຄ້າຜ່ານ, ການບໍລິການກວດສອບສິນຄ້າ, ການບໍລິການຂອງເຈົ້າຫນ້າທີ່ປະເມີນສິນຄ້າ, ການໃຫ້ເຊົ່າສິນຄ້າ, ການແກ້ໄຂຂໍ້ຜິດພາດ, ການຕະຫລາດທຸກລະດັບ ແລະ ການຜ່ານ ລະບົບເອເລັກໂຕຣນິກ, ກົດຫມາຍຊັບສິນທາງປັນຍາແມ່ນມີຄວາມສອດຄ່ອງກັບລະບຽບສາກົນທັງນີ້ກໍ່ເພື່ອການກະກຽມເຂົ້າເປັນສະມາຊິກອົງການການຄ້າໂລກ.

ບົດສຶກສາການເປີດຂະແຫນງການຈຳຫນ່າຍໃນການເຈລະຈາເຂົ້າເປັນສະມາຊິກອົງການການຄ້າໂລກສະເຫນີວ່າ: ເປົ້າຫມາຍສູ້ຊົນຂອງຊາດໄດ້ກຳນົດໄວ້ແມ່ນເປົ້າຫມາຍທີ່ພົວ ພັນເຖິງການພັດທະນາວິສາຫະ ກິດຂະຫນາດນ້ອຍ ແລະ ກາງ, ການຄ້າຍ່ອຍ, ຕະຫລາດຊົນນະບົດໂດຍມີການຈຳກັດການປະ ກອບທຶນຂອງຕ່າງຊາດເຂົ້າໃນທຸລະກິດຮ່ວມທຶນໃນ ທຸກຂະແຫນງການຍ່ອຍ ຫລື ຂະແຫນງຈໍລະຈອນແຈກຢາຍສິນຄ້າ ໂດຍທຶນຕ່າງປະເທດຮ່ວມຢູ່ໃນລະດັບ 30-49%, ຍົກເວັ້ນໃນກໍລະນີທີ່ມີການລົງທຶນຂະຫນາດໃຫຍ່ຮ້ານຊັບພະ ສິນຄ້າ, ສູນການຄ້າທີ່ມີເນື້ອທີ່ ຫລາຍກວ່າ 2.000 ຕາແມັດ ເຊິ່ງການຖືຮຸ້ນຂອງຜູ້ຖືຮຸ້ນຕ່າງປະເທດອາດຈະເພີ່ມຂຶ້ນ 100%.

ແຫຼ່ງຂ່າວ: ໜັງສືພິມເສດຖະກິດ-ສັງຄົມ