ອາຊຽນເລ່ງແກ້ບັນພາຍໃນເພື່ອສ້າງເສດຖະກິດໃຫ້ເຂັ້ມແຂງ

ປະຈຸບັນອາຊຽນເລ່ງແກ້ໄຂບັນຫາທີ່ຖ່ວງດຶງການຈະເລີນເຕີບໂຕເສດຖະກິດຂອງອາຊຽນ, ຄະນະລັດຖະມົນຕີເສດຖະກິດອາຊຽນຈິ່ງຮີບ ຮ້ອນເປີດກອງປະຊຸມວົງແຄບຄັ້ງທີ 18 ຂຶ້ນທີ່ນະຄອນຫລວງເນປີດໍສະຫະພາບມຽນມາເມື່ອທ້າຍເດືອນກຸມພາຜ່ານມານີ້ ເພື່ອຕັດຮອນບັນ ຫາທັງສ້າງນະໂຍບາຍສະຫນັບສະຫນູນຍູ້ໃຫ້ເສດຖະກິດອາຊຽນໃຫ້ເປັນໄປຕາມແຜນ.

ເປົ້າຫມາຍຂອງອາຊຽນຄືສ້າງໃຫ້ມີເສດຖະກິດເຂັ້ມແຂງ, ສິ່ງທີ່ເລ່ງຈະເຮັດຄືການລວມຕົວສ້າງ ເປັນປະຊາຄົມເສດຖະກິດອາຊຽນ, ສະນັ້ນກອງປະຊຸມຄະນະລັດຖະມົນ ຕີອາຊຽນແບບວົງແຄບ ຄັ້ງທີ18 ແມ່ນເລ່ງທວງຂໍ້ຜູກພັນສັນຍາທີ່ບັນດາປະເທດສະມາຊິກອາຊຽນມີຕໍ່ອາຊຽນ ເປັນຕົ້ນແມ່ນການຄ້າ, ການບໍລິການການລົງທຶນ ແລະ ການ ຮ່ວມມືກັບປະເທດຄູ່ເຈລະຈາ.

ພະແນກຮ່ວມມືເສດຖະກິດກັບອາຊຽນຂອງລາວລາຍງານວ່າ: ໃນກອງປະຊຸມຄະນະລັດຖະມົນຕີ ເສດຖະກິດອາຊຽນໄດ້ພ້ອມກັນພິຈາລະນາບັນຫາສຳຄັນຕ່າງໆທີ່ ຄ້າງຄາທີ່ຈະຕ້ອງໄດ້ພ້ອມ ກັນແກ້ໄຂ, ເປັນຕົ້ນການເປີດກວ້າງການຮ່ວມມືດ້ານວຽກງານບໍລິການຄືການປະຕິບັດຂໍ້ຜູກ ພັນພູດທີ 8, ໂດຍເນັ້ນໃຫ້ຫນ່ວຍງານວິຊາການ ດ້ານວຽກງານບໍລິການ ແລະ ເຈົ້າຫນ້າທີ່ອາວຸໂສ ພ້ອມກັນປະຕິບັດໃຫ້ສຳເລັດໃນທ້າຍປີນີ້ ແລະ ພູດອື່ນໆໃຫ້ສຳເລັດໃນປີ 2015.

ການປະຕິບັດຂອບວຽກດ້ານການພັດທະນາເສດຖະກິດທີ່ເທົ່າທຽມກັນເຫັນວ່າມີຄວາມຄືບຫນ້າດີ, ແຕ່ກໍ່ຍັງມີຈຸດທີ່ຕ້ອງພັດທະນາອີກໂດຍເນັ້ນເຈົ້າຫນ້າທີ່ອາວຸໂສເສດ ຖະກິດອາຊຽນລວບລວມຂໍ້ມູນ ແລະ ກຳນົດຊ່ອງວ່າງດ້ານການພັດທະນາ, ສ້າງເປັນແຜນດຳເນີນງານແລ້ວລາຍງານໃຫ້ແກ່ສະພາ ປະຊາຄົມເສດຖະກິດອາຊຽນພິຈາລະ ນາ; ສ່ວນໃນເລື່ອງຂອງການຮັບ ແລະ ການບັງຄັບໃຊ້ສັນຍາ ດ້ວຍການລົງທຶນແບບເປີດກວ້າງພາຍໃນອາຊຽນໂດຍສະເພາະບັນຊີໂຄງການອຸດສາຫະກຳເພື່ອເປີດກວ້າງ ໃຫ້ແກ່ການລົງທຶນພາຍໃນອາຊຽນມີບາງປະເທດສະມາຊິກຍັງເຮັດບໍ່ທັນສຳເລັດຈິ່ງຮຽກຮ້ອງໃຫ້ຮີບຮ້ອນດຳເນີນການໂດຍໄວເພື່ອໃຫ້ສາມາດມືຜົນບັງຄັບໃຊ້ ແລະ ເພື່ອ ຜົນປະໂຫຍດຂອງນັກລົງທຶນ.

ຄະນະສະເພາະກິດລະດັບສູງ ເພື່ອການເຊື່ອມໂຍງເສດຖະກິດອາຊຽນລາຍງານວ່າ: ນອກຈາກບັນຫາຂ້າງເທິງກອງປະຊຸມຍັງໄດ້ຮັບຮອງເອົາການສ້າງຕັ້ງຄະນະວິຊາ ການ 3 ຫນ່ວຍງານຄື: ດ້ານການຄ້າຜະລິດຕະພັນ, ດ້ານການບໍລິການ ແລະ ດ້ານການລົງທຶນເບື້ອງຕົ້ນ ແມ່ນເນັ້ນໃສ່ດ້ານການຄ້າຜະລິດຕະພັນກ່ອນໂດຍວາງຂອບວຽກ ທີ່ລະອຽດຄັກແນ່ເພື່ອນຳ ສະເຫນີໃຫ້ທ່ານລັດຖະມົນຕີພິຈາລະນາ  ແລະປະກາດໃນທ້າຍປີນີ້ພ້ອມດຽວກັນນັ້ນກໍ່ໃຫ້ເລ່ງ ສ້າງຕັ້ງສູນຂໍ້ມູນ-ຂ່າວສານ ໂດຍປະຕິບັດຕາມ ມາດຕາ 13 ຂອງສັນຍາວ່າດ້ວຍການຄ້າດ້ານຜະ ລິດຕະພັນອາຊຽນ ເຊິ່ງຕາມກຳນົດຫມາຍນັ້ນໃຫ້ແລ້ວພາຍໃນປີ 2015 ໃນນັ້ນລວມທັງໃນລະດັບ ອາຊຽນ ແລະ ຢູ່ແຕ່ລະ ປະເທດສະມາຊິກທີ່ສຳຄັນຄືສ້າງຈຸດກວດກາຜ່ານປະຕູດຽວຂອງອາຊຽນ.

ນອກຈາກນີ້ໃນຂອບການຮ່ວມມືກັບບັນດາປະເທດຄູ່ເຈລະຈາສັນຍາການຄ້າຜະລິດຕະພັນແລະສັນຍາການລົງທຶນລະຫວ່າງອາຊຽນ-ຍີ່ປຸ່ນ ແລະ ອາຊຽນ-ອິນເດຍຍັງ ບໍ່ເອກະພາບກັນບາງເງື່ອນໄຂຍ້ອນຕ່າງຝ່າຍຕ່າງກຳນົດອອກ ແລະ ບໍ່ສາມາດຕົກລົງກັນໄດ້, ຕ້ອງໄດ້ສືບຕໍ່ແກ້ໄຂທັງໃນເລື່ອງຂໍ້ສະເຫນີຂອງຮົງກົງ ເພື່ອຂໍເຂົ້າເປັນພາຄີ ສັນຍາເຂດການຄ້າເສລີອາຊຽນ-ຈີນ, ຂະນະທີ່ການຮ່ວມມືລະຫວ່າງອາຊຽນ-ຣັດເຊຍກໍ່ຍັງບໍ່ທັນ ເກີດຜົນເປັນຮູບປະທຳເທື່ອ.

ຂ່າວຈາກໜັງສືພິມເສດຖະກິດ-ສັງຄົມ


Categories: ອາຊຽນ | Tags: | Leave a comment

Post navigation

ສະແດງຄຳຄິດເຫັນ

Please log in using one of these methods to post your comment:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s

Create a free website or blog at WordPress.com.

%d bloggers like this: